syriaவாழ்வின் விடியலை நோக்கி தம் சொந்த நாடான சிரியாவிலிருந்து கடல் மார்க்கமாக ஐரோப்பாவை அடைய முயற்சித்தவர்களில் 12 பேர் நீரில் மூழ்கி இறந்த சம்பவம் சர்வதேச நாடுகளை அதிர்ச்சிக்குள்ளாக்கியுள்ளது.  இந்த விபத்து தொடர்பாக  வெளியான வீடியோவில், கரை ஒதுங்கிக் கிடக்கும் மூன்று வயது சிறுவனின் உடல் பார்ப்பவர்களை பதைபதைக்கச் செய்கிறது.

 

சிரியாவில் நிலவும் போர்ச்சூழல் காரணமாக  ஆயிரக்கணக்கானோர் ஐரோப்பிய நாடுகளில் தஞ்சம் புக, கடல் மார்க்கமாக பாதுகாப்பற்ற பயணம் மேற்கொள்கின்றனர். அப்படி துருக்கியில் இருந்து கிரீஸ் நாட்டுக்கு 23 பேர் 2 படகுகளில் பயணம் மேற்கொண்டனர். அப்போது படகு கவிழ்ந்ததில் 12 பேர் கடலில் மூழ்கி உயிரிழந்தனர். இதில் 5 பச்சிளம் குழந்தைகள். இந்த விபத்தில் இருந்து 9 பேர் மட்டுமே உயிருடன் மீட்கப்பட்டனர்.

 

அதில் ஒருவன்தான் மூன்று வயதே ஆன ஐலான். அவனோடு சேர்ந்து அவன் தாயும் 5 வயது அண்ணனும் நீரில் மூழ்கி இறந்தனர்.

 

https://www.youtube.com/watch?v=GhdgnYf1J-o&feature=player_embedded

 

முன்னரே இது போன்ற சம்பவங்கள் பல நிகழ்ந்திருந்தும் கூட  அகதிகளை ஏற்றுக் கொள்வதில்  ஆர்வம் காட்டாமல் பிடியை இறுக்கியபடியே இருக்கின்றன  ஐரோப்பிய நாடுகள். இனியும் கண்டும் காணாமல் இருப்பது மனிதத்தன்மை அல்ல!” என்கிறது  ‘தி இண்டிபெண்டெண்ட்’ பத்திரிகை. செவி மடுக்குமா ஐரோப்பா?

– நிவேதா அ. (Vikatan)