தமிழ் இனத்தை முற்றாக அழிப்பதில் இந்திய தேசம் மிகவும் முனைப்புடன் செயற்பட்டு வருகின்றது. தழிழீழத்தில் முள்ளிவாய்க்காலில் சிங்கள தேசத்துடன் இணைந்து ஈழத்தமிழர்களுக்கு எதிராக மிகவும் மோசமான இனஅழிப்பை மேற்கொண்ட இந்திய தேசம் அதன் பின்னர் தமிழகத்தின் குரல்வளையை மெல்ல மெல்ல இறுக்கி வருகின்றது.

 
ஒரு இனத்தை அழித்துவிடுதற்கான முதற்படியானது அதன் கலாச்சாரத்தையும், மொழியையும் சிதைத்துவிடுவதே. அதற்கான பணிகளைத் தான் இந்திய மத்திய அரசும், தமிழகத்தில் காலூன்றியுள்ள தமிழின விரோதிகளும் மேற்கொண்டு வருகின்றனர்.

 
அண்டைய மாநிலங்களின் அடாவடித்தனங்களால் விவசாயத்திற்கு நீர் இன்றி விவசாயிகள் தற்கொலை செய்து வருவடன், தமிழகத்தின் பொருளாதார அடித்தளமான விவசாயமும் முற்றாக அழிந்து போகும் நிலையை அடைந்துள்ளது.

 
கூடாங்குளத்தில் அணுமின்நிலையத்தை அமைத்து தமிழகத்திற்கும், ஈழத்திற்கும் இடையில் மிகப்பெரும் அழிவை ஏற்படுத்தும் மையத்தை நிறுவியுள்ள இந்திய அரசு தற்போது உலகத்தமிழ் மக்களின் பாரம்பரிய காலச்சாரமான தைப்பொங்கள் தினத்தை வரலாற்றில் முற்றாக இருந்து அழித்துவிட திடகங்கற்பம் பூண்டு நிற்கின்றது.

 
விவசாயத்தை அழித்தது போலவே அதற்கு உறுதுணையாக உள்ள மாட்டு இனங்களை குறிப்பாக காளை இனங்களை அழித்துவிடவும் இந்திய தேசம் காய்களை நகர்த்தி வருகின்றது.

 
ஏறுதழுவுதல் மீதான தடை என்பது முற்று முழுதாக தமிழ் கலாச்சாரத்தை அழிப்பதங்கான முன்நகர்வு. மிருகங்களை கொடுமைப்படுத்துவதாக பீட்டா எனப்படும் தமிழின விரோத அமைப்பு தெரிவிக்கும் கருத்துக்களை ஏற்கமுடியாது. ஏனெனில் ஏராளமாக வெளிநாட்டு நிறுவனங்கள் தமது மருந்துகளை பரிசோதிப்பதற்காக எலிகளையும், முயல்களையும் பலவித நோய்களை உண்டுபண்ணி துன்புறுத்தி படுகொலை செய்து வருகின்றன.

 
பல நிறுவனங்கள் மாடுகளையும், ஆடுகளையும், கோழிகளையும் படுகொலை செய்து இறச்சிக்காக ஏற்றுமதி செய்தும் சந்தைப்படுத்தியும் வருகின்றன. அவை கொல்லப்படும் போது துன்புறுத்தப்படுவதில்லையா?

 
பீட்டா அமைப்பினால் அதற்கு எதிராக போராட முடியவில்லை. ஏனெனில் அவர்கள் பீட்டா அமைப்புக்கு எலும்புகளை எறியும் எசமானார்கள்.

 
எனவே தற்போது அலங்காநல்லூரில் ஏற்பட்டுள்ள இந்த போராட்டமானது தமிழினத்தை அழிவில் இருந்து காற்பாற்ற ஆரம்பமாகியுள்ள விடுதலைத்தீ என்பதை உலகில் உள்ள ஒவ்வொரு தமிழ் மக்களும் புரிந்துகொள்ள வேண்டும். அதற்கான ஆதரவுகளை எல்லோரும் வழங்கவேண்டும்.

 
தமிழனத்தின் இருப்பை தக்கவைப்பதற்கு தமிழகம் ஒரு தனிநாடாக உருவாகவேண்டும் என்பது தான் இறுதித்தீர்வாக எம்முன் இருப்பின் அதற்கான நகர்வுகளை ஐ.நா ஊடாகவே அல்லது தொடர் போராட்டங்களின் ஊடாகவே நாம் அனைவரும் முன்னெடுக்க வேண்டும்.

 
தமிழ் இனத்தின் எதிரிகளை இனங்காணுங்கள் அவர்கள் யாராக இருப்பினும் அவர்களை தமிழ் இனம் முற்றாக புறக்கணிக்க வேண்டும். ஏறுதழுவுதல் மீதான தடைக்கு எதிரான இந்த போர் இன்று நாளையுடன் நின்றுபோகக்கூடாது. இந்த போரில் நாம் தேற்றுப்போனால் 2018 ஆம் ஆண்டு தைப்பொங்கல் தினழும் டைசெய்யப்பட்ட நிகழ்வாக இந்திய அரசால் அறிவிக்கப்படலாம்.

 
தமிழகத்தின் தற்பேதைய இந்த தீப்பொறி தமிழினத்தின் உரிமைகளையும், காலாச்சாரத்தையும் காக்கும் பெரும் விடுதலைத்தீயாக மாறவேண்டும். தமிழர்கள் எல்லோரும் இதற்காக குரல்கொடுக்க வேண்டும் என்பதே எமது பணிவான வேண்டுகோள்.

 
ஈழம்ஈநியூஸ்
ஆசிரியர் கருத்து.

Comments are closed.